Çı Saveti İttıfoği vılo be bəpeştə tolışon, ləzgion, taton, avaron iyən çı Cənubi Ğafğazi co ğədimə bumiə xəlğon çı Boku dovləti etnik unifikasiyə siyosəti nəticədə de məhv be xəto dimbədim mandin. Çı Ozorboyconi hokumət bo tolışon iyən ləzgion məsələ de har vositə bə oxoy rosnie tadi bedə bin. İyən lap çəy vırədə eyni zəmonədə Ğərəboği cang bino be.

Im cangi vaxtədə tosə 45 sini bıə həmməy tolışə iyən ləzgiə cıvonon bə hərbiə xıdmət sədo kardə bin. Əyo ım xəlğon arədə bə ermənion zidd fik ofəyede bin. Çımi səbəb əve ki Boku dovləti hokumət ermənion iyən bumiə xəlğon ittıfoğədə bo ıştə hestemoni ən yolə təhluki vindedə.

İyo bəpe ğeyd bıkəmon ki, çı tolışə sədovonon niməsə vey (bə tolışə fəolon məlumoton əsosi çəvon 80%) cangiku onıgardin, çumçıko məhz tolışon iyən ləzgion bə cəbhə riyə vığandedə bin.