Çı Arsaxi prezidenti mətbuoti kotib Davit Babayani ijən Ozobiconi şəhrvand Elnur Huseynzodəy ozod be barədə gəp jəşe. Əv nıvıştedə:

“Çımiku çan ruj bə nav Ozobiconi şəhrvand Elnur Huseynzodə ki, dı sor bə nav Arsaxi marzi ğeyri-ğanuni dəvardə be,  zindonku ozod bə. Həlbəttə, çəmə cəmyətədəən odəmon hest bin ki, ım ğəroriku norozi bin. Əmma ım ğədəm iminə nubədə çı ğanuni tələb be, çumçıko har gılə odəm ıştə cəzo kəşe bəpeştə bəpe ozod bıbu, diəməkəmon bə odəmi milliyəti, dini iyən siyosiə nəzəron.

Sıvoy çımi ım ğəror de erməniə xəlği milliə dınyovindemoni uyğun omedə. Çəmə xəlğ vətənpərvəre, əmma hiç vaxt millətəvon ya faşist bıə ni. Imon ideyəonin ki, Ozobiconə dovlətəti əsosin.

Ozobiconi cəvob çı curə be? Əv sıftəo zıne bıə be. Boku bə ıştə şəhrvandi mınosibətədə beynəlxəlğə istintoği elonış karde. Bo ımi ro çan gılə səbəb be. İminə səbəb əve ki, ım odəmi pidəş nıbe bə Ozorboycon ogarde, çumçıki əyo boştə ro çokə ayəndə vindedə ni. Dıminə səbəb əve ki, çəy nomi iyən fəmiliyəku vində bedə ki Elnur Huseynzodə tırk ni. Im fakton har gılə faşistə məmləkətədə bo odəmi rımuz karde, həbs karde iyən kışte ro çokə əsosonin. Ozobiconədə həzo-həzo jıgo misolon hestin

Çı Elnur Huseynzodəy misal i kərəən Ozobiconi həğiğiə dimi nişo dodə”.