Qırd cıvonə qəhrəmanəti nom tolışi səşe
Ozobicono bə Cahandorə canqi dəro kardəkəson dılədə qırd rə qəhrəmanəti nom tolışə balə Merzo Cəbiyevi səşe.
Merzo Cəbiyev i həzo nəvsa vistıpenc sori fevralə manqi vistı dıdə Ostoro rayoni Həmoşami diədə çe miəmo bıə, i həzo nəvsa hafto həşt sori fevralə manqi dadə çe dınyoku şə. Isət Merzo Cəbiyev sərost çılı i sore çəmə aradə jidəni. Merzo Cəbiyev i həzo nəvsa çılı senə sori deştəxoşi bə canq şə. I həzo nəvsa çılıçonə sori rukə leytnant rutbə səydə bə seminə Belorusiya canqi məydon vığandə bedə. Belorusiya, Litva , Polşa roysə canqış kardə, detbə Almaniya şə beşə. Sər leytnant Merzo Cəbiyev i həzo nəvsa çılıpencnə sori deştə sərdorəti kardə dastə navədə şedə, əyo qılə nığılə xandəxi dəvardə deşmeni eqırd qətedə, çəyo bac omə pərçəmi bə vırə dəjənedə. Həmonə canqədə əv coyli senzə xonəxo deşmeni dastqir kardə. Aprelə manqi nonzədə i həzo nəvsa çılıpenc sori bə Merzo Cəbiyevi Soveti İconəti Qəhramanəti nomi dodən.
Demiyən jıqo əv nonzə sori dılə Ozobicono bə canq vığandəbə iqləliyə qırd cıvonə qəhrəmane.
Xıdo rəhmət bıko! Merzo Cəbiyev bo tolışon de çəy nomi ıştəni pekrniə merde!
Tolışston- Ostoro.
Sərdor Bunyadov․
Comments