“FenixPress” internetiə sayti de Aleksander Romanov təxəllusi gıləy cıvonə Tolışə bılogeri Urusə zıvonədə nəşrış bə handəkəson nəzə rosniyə. TolishMedia informasiyə agentəti ım nəşri tərcumə bo şımə ro edaştedə.

“Həğiğiə Tolış kiye?

Həğiğiə Tolış əve ki ıştə zıvonış pidə, ehanə hətto ıştə zıvoni zınedə ni, əve ki, votedə ki əv Tolışe iyən cəhd kardedə ıştə etnonimi populyar karde iyən ıştə mentaliteti lozımi ğaydədə  edaştedə.

Həğiğiə Tolış əve ki ıştə ğəhrəmonon həxədə zınedə, ki ıştə xəlği mıhumə tarıxiə hodison həxədə zınedə, sərəsedə ki əv ıştə xəlği dime iyən çumçıko ıştəni ıştə barədə mənfiyə nəzəriku çəş kardedə.

Boçi əmə Tolışon ki bə ıştəni Ozobiconıj nom dodən nifrət kardedəmon? Çumçıko vaxtı ki Tolış ıştəni Tolış zınedə, ıştə əcdodon pidəşe iyən hurmət kardedə iyən pidəşe ki həmməy dınyo ım xəlği barədə bızıno, əv hukmən bə ıştəni Tolış nom bədoy, hejo iyən har vırədə.

Ə Tolış bə ıştə Ozobiconıj nom dodə ki ıştə xəlği barədə hiççi zınedəni iyən pidəşni co odəmonku fərğin bıbu, co kəson çiç kardedən, əvən kardedə iyən ıştə əcdodon hurmət kardedəni.  həmonə əcdodon ki hejo Tolış bən ki hejo Tolışə zıvonədə gəp jəşone, ki hejo bo Tolışə zəminon mıborizə kardəşone!”