Fevralə mangi 20-nə rujədə Ozobiconədə siyosiə məhbuson nubətinə tojə siyohi dərc kardə bə. Im siyohiədə 127 gılə odəmon familiyəon hestin.

Əvon jinə kategoriyəonədə təsnif kardə bedən:

Jurnaliston iyən blogeron – 9 gılə odəm (Nicat Əliyev, Araz Guliyev, Rəşad Ramazanov, Seymur Həzi, Fikrət Fərəməzoğlu, Elçin İsmayıllı, Mehman Huseynov, Əfgan Muxtarlı, Ziya Əsədli),

Şair – Tofiğ Həsənli,

Huğuğə Mıdofiəkor – Əliabbas Rustəmov,

Siyosiə iyən ictimoiyə fəolon – 18 gılə odəmon (İlkin Rustəmzadə, Asif Yusifli, Fuad Ğəhrəmanlı, Ğiyas İbrahimov, Bayram Məmmədov, Elgiz Ğəhrəman, Fuad Əhmədli, Gozəl Bayramlı, Əlikram Xurşudov, Orxan Baxışlı, Mirfeyzulla Seyidov, Saleh Rustəmov, Vidadi Rustəmli, Ağil Məhərrəmov, Babək Həsənov, Ruslan Nəsirov, Azad Həsənov, Əbulfəz Sadığov),

Dindoron – 67 gılə odəm, ə cumlədə “Mısılmonon İbemonə Hərəkəti” rəis Tale Bağırzodə, Ozobiconi İslamə Partiyə rəis Movsum Səmədov, mıctəhid Abgul Suleymanov iyən co kəson.

Bəpe ğeyd bıkəmon ki, Boku diktatorə rejim məmləkətədə siyosiə məhbuson mıvcudəti ğəbul kardedəni.