Boku şəhəri icro hakimiyəti Demokratikə Ğıvvon Milliə Şurə mırociətış bo fevralə mangi 23-nə rujədə miting dəvonie ro rədd kardə. Bələdiyə idorə bo mitingi ğədəğən karde “yanvarə mangi 19-nə ruji mıxolifəti mitingi vaxtədə ictimoiyə ğaydə dəgordınie” dəlil vardəşe.

Bə yod dəğandəmon ki, de eyni səbəbi Boku şəhəri icro hakimiyəti yanvarə mangi 26-nə ruji mitingən ğədəğənış kardə be.

DĞMŞ-ədə çı hokuməti dastəvuzon təkzib kardedən iyən ğeyd kardedən ki, yanvarə mangi 19-nə ruji mitingi bəpeştə Boku şəhəri polisi elon kardəş be ki “etirozinə aksiyə vaxtədə çı ictimoiyə ğaydə ciddiə dəgordınieon nıbin”.

DĞMŞ çı hokuməti ım ğədəm bənə Konstitusiyə, “Sərbəst gırdə be ozodəti həxədə” ğanuni iyən beynəlxəlğə ehdəmonon dəgordınie zınəşe.

Partiyədə dılə mızokirəon bəpeştə Demokratikə Ğıvvon Milliə Şurə bə ğəror bome mitingi bə di dəğande yaanki rozi kardə nıbə aksiyə dəvonie.