Fevralə mangi 26-nə rujədə “Musavat” partiyə martə mangi 10-ədə de həmməy siyosiə məhbuson ozod karde tələbi etirozinə aksiyə dəvonie barədə elonış kardə be.

           Çı partiyə elonədə votə bedə be ki, aksiyədə iştirok kardəkəson hukmətiku tələb bəkarden kamtəminotinə xıyzonon doə nıbə krediton məsələən həll karde.

           Imruj çı partiyə rəisi mışovir Razim Əmiraslanovi elon kardəşe ki Boku şəhəri icro hakimiyəti ım mitingıə ğədəğən kardə. Boku hokuməti ım mitingi dəvonie bə məğsədi uyğun nıbə zınəşe iyən mitingi ğədəğən karde de əy angıl kardəşe ki ım etirozinə aksiyə səbəbiku şəhəri nəğliyoti sərostə ko darıştə bəbe.

           Çı “Musavat” partiyə mətbuoti xıdməti rəis Mustafa Hacıbəyli çı şəhəri icro hakimiyəti ğəror ğeyri-ğanuni zınəşe iyən ğeyd kardəşe: “Ozobiconədə gırdə be ozodəti ijən dəgordıniə bıə”.