Çı Rusiya iyən Turkiyə xariciə koon vəziron Serqey Lavrovi de Mevlud Çavuşoğlu bo marti 12 ro çı Turkiyə Antalya şəhrədə dəvonie nəzərədə qətə bıə vindemon bə təxir eqıniə. Moskva ıştə ım qəmi de əy izoh kardedə ki, çı Lavrovi ko qrafik ve sıfte və dessə omə haftə çəy de Çavuşoğlu vindemon kardero vaxtış əbıni. Çı Rusiya Xariciyə Koon Vəzarəti rəsmi sıxanəvoti votəşe ki, vindemon omə haftə sə qəte bəzine. Bo marti 18-ə bə plan jəbə vindemon çı Turkiyə Antalya şəhərədə Ankara iyən Moskva arədə Barzə Səviyyəynə Həmkarəti Şura çərçivədə dəvoniə bəbe.

Bə omə məlumaton əsos çı dıqlə kişvəri xariciə koon vəziron – Mövlud Çavuşoğlu iyən Serqey Lavrovi sədorəti dəvonyə bə Rusiya-Turkiyə ivrədə strateji planjə qrupi 7-minə iclosədə çı dınyo co-co vırondə, əzcumlə Cənubiə Qafqazədə bə vəziyyəti dair qeş qeşi fikirə mubadilə dəbəvarde. Muzakirə nəticon apreli 14-ədə Moskvada dəvonie nəzərədə qətə bə Səviyyəynə Həmkarəti Şura təqdim kardə bəbe.