Tolışə bandon vanqonədə lənqər jə çəmə Lik ve reçine. Tarixi dırozi ve saxtə rujon vində ım zəmini ve merdon ve canqəvəronış dəro kardə. Kuruşi dədə Astihar, Cıvonşir, Babək, Beqəğə Mirsalayev, Şahverən iyən jıqo ve nominə merdon Liko beşən. Isətən çı zəmino dınyo fayədə ve nom bekardə zoon iyən kinon hestin. Zımıston bə sə qıniey. Isət təylə zımıstone ( çıl kındə sutə vaxt) , Liki tono- kəno barzə bandon Səvəlon, Kəmərku bə Liki əlehdə reçinəti dodən. Martə manq 19 (nonzə) şəvi Kulə şəv, 20 ( visti ) şəvi İdə şəve. Çoknəy vindon Likən bo idiro hozo bedə. Nızımə bandon voə ov bedə şuredən bə Vazəru, vənəşon vıl oj kardən, doon zizə. Çəmə xosə Lik tikəyən xos, tikəyən, reçin, tikəyən rəvoşin bedə. Martə manqi 21 ( vistı i) – də tolışon həmə i qəvo bəyəndı bəvoten. Şımə idon bud bıbo! Əmənən bə Liki votdəmon. Iştı idən bud bıbo, xosə Lik!

Tolışston – Lik.

Sərdor Bunyadov.