TolishMedia informasiya agentəti muxbir xəbə dodə ki, çı Tolışıstoni Lankoni rayoni Sınovlu di miyonə məktəbi Səidə nominə muəllimə bə həminə məktəbi şaqirdon tolışi zıvonədə qəp je ğədəğən kardəşe. Bı barədə Tolışi Milliə Hərakati aktiviston ıştə “facebook” səhifonədə məlumat doəşone. Çəmə muxbiri de telefoni vasitə həminə aktivistə tolışon əloğə oqətəşe, məlum bə ki, çı Sınovlu məktəbi həminə Səidə nominə muəllimə ıştənən tolışe, çı Tolışıstoni Ostorokuy. Səidə muəllimə ıştə ğədəğə jıqo izah kardedə ki, məvotbən əğlon ıştə arədə tolışi qəp jeədə çəvon tırkə qəp səlis beşedəni. Əmənən ıştə nubədə bə Səidə muəllimə nəzə rosnedəmon ki, hırdənə vaxtədə ıştə moə zıvonədə qəp nıjə əğılon yol beədə bənə Səidə muəllimə manqurt bəben. Mevzu çəmə dığğətədəy.