Bı şəkikədə Liki rayoni Andurmə di məktəbi vindəmon. Bı məktəbədə vistıiminə əsri bu omedəni. Bə xosiyən Ozobicon nomədə keşvəri məktəb, binim deştə analoqış nıbe iqtisodi ovcbemoni ıştəni har vırədə pekırnidə. Im çoknəy ovcbemone ki, hələ oməni bı di beşəni?! Andurmə di əji Baləddin Veşo bı barədə sute – sute bo əmə qəp jəydə: “Çəmə bı keşvərədə  nıkuə kəynə, nınıvıştə vırə mandəni. Zımıstonədə əğlon hisi – duəvonə dasto nə nıvışte zındən, nə hande. Çəvon olaton hisə bu dodən.Im ve qılə yolə biaburçiətiey. Əmə həni zındənimon, bə kom vırə bınıvıştəmon, bə kom onemoni ovəmon. De eçıni dey bəpe ponə sori bo əmə məktəb ejə bəbəy. Mande nə məktəbe nəən bə əmə qılə bı barədə hay bıdə heste. Jıqo bızın həmı lolin, korin”.  Jıqo – jıqo koon çəmə xosə əhandon. Şımənən diəkənən bı anoloq nıbə keşvəri, analoqış nıbə məktəbi.

Xıdo ıştən bə Andurməvıjon hay bırəsto. Amin!

Lik – Andurmə.

Sərdor Bunyadov.