Azərbaycani Xəlğon Demokratə Partiya Lankoni xonə dastpoçənin Cəmil Hacıyev çe Lankoni polison tono de pesoxtə koy dastqir karde pidəşone. Çımi kaşiyən bəvədəy ki, Cəmil Hacıyev Lankonədə çoknəy hukmət bə xosiyən polison narkotiki pevılo kardən, ım koy tənğıd kardekuey. Əve çoknəy Cəmil Hacıyevi binoş kardə hukmət tənğıd karde, Lankonədə çanəndə hukməti şərbəşərənə, pebişəmərəzə bə dim mandə odəmon hestin həmə eqıniyən Cəmil Haciyevi kutisə, dılışone əy ıştəno bekən, əvən bəvon dast rost bıkə, demiyən bo əyo qılə tumbərə bıduton, çəy roy ijən eğandon bə zindon. Ozobiconi sədə nıştə ım pulxoron dılışone de jıqo roy çəmə xəlği qılə ruşnəfami, qıləvıjıni,  ğıryətmandi qəvi pebasto.

Bəşmə vir dəğandəmon ki, Cəmil Hacıyev hələ Qarabağədə canq kardə ləşkəri sərdorən bıə.  Bəvədə əv 16 sor zindonədə nışte. Isət tolışi kali dəmərəson bıdə bə sə dəşun, ımon çe odəməti, çe sərostəti, bə xosiyən çe tolışi deşmenin. Oxo əmə ımi boçi dərəsedənimon?!

Lankon – Xolmili.

Sərdor Bunyadov