Çı Ermənistoni iyən Ozobiconi xariciə koon vəziron nubətinə vindemon ehtimolən Moskva şəhərədə dəvoniə bəbe. Çımi həxədə cımə rujədə Moskvadə de jurnaliston mısohibədə çı Ozobiconi xariciə koon vəzir Elmar Məmmədyarovi elon kardəşe.

Demiyən jıgo bə çəy sıxanon əsosi çı Rusiyə xariciə koon vəzir Sergey Lavrovən ım vindemonədə iştirok karde ıştə hozıəti barədə elon kardəşe.

Məmmədyarovi xəbə doəşe ki, aprelə mangi 5-ədə de Lavrovi vindemonədə əvon Ğərəboği mınoğişə həll karde roon geş-geşi mızokirə kardəşone. Əy ğeyd kardəşe ki, Sergey Lavrovi mınoğişə nezə vəomədə həll kardeədə ıştə əloğədorəti ifodə kardəşe.