Çı dınyo reytinq cədvələdə ən çokə universiteton siyahi elan kardə bə. 2019-minə sori “Round Univercity Ranking” reytinqə cədvələdə çı 74 keşvəri 820 qılə ali məktəbi nom heste. Qlobalə reytinqə cədvəl 2010-minə soriku dərc bedə. Har qılə ali məktəb vist co-co parametrədə, əz cumlə çı təhsili keyfiyyət, iyən maliyyə ğoymiəti meyaron ğıymət sedən. Harvardi Universitet çı dınyo ən çokə 100 ali məktəbi siyahiyədə ıştə liderəti oqəte zınəşe. Umumən reytinq cədvələdə çı Amerika İbə Ştaton universiteton liderəti kardedən. De Harvard Universiteti bə ico tosə daminə vıronədə çı keşvəri Stanford, Yel, Kolumbiya, Kaliforniya, Massaçusets universiteton, çı Yolə Britaniya London İmperiya Kollec, Oksford iyən Kembric universiteton və çı İsveçrə Surix Universitet omedən.

Keşvəron arədə dıminə vırədə Rusiya omedə, çey 74 qılə universitet bə həminə siyahi dənoə bə. Çı im keşvəri 5 qılə ali məktəb sıftənə sa universitetion dılə`dəy. Moskva Devlətə Universitet reytinqədə 38-minə, Tomski Devlətə Universitet ısə boy 59-minə vırədə ğəror qətəşe.

Umumən ım reytinqə cədvələdə, sıvoy Rusiya, post-Sovetə keşvəron cəmi 30 qılə ali məktəbi iminə 500 universiteti sırada ğərol qətəşe.