Cəlilabadi şəhəri 7 numrəynə miyonə məktəbədə dəvardə olimpiyadədə kubok ğəzənc kardə Əliyusif Paşayev çəy handə Uzuntəpə miyonə məktəbi direktor Bunyadov Rafiqi məktəbi əğlon çəşi vədə şınqavatış kardə kuəşe. Əliyusif Paşayevi ve qonə zəfə səşe. Məktəbi direktor pencominə soronədə Ermənistano omə dəvilonədəy, Əliyusif Paşayev ısətboy tolışe. Məktəbi tələbon çəy de əğlon ve bevəcə rəvimoni ənəsaulukətiku qəp jəydən. Im cinoyəti kardə məktəbi direktori vırə məktəb ne, zindone. Ozobicon nomədə pesoxtə keşvərədə har çi jıqoy. Əmə ıştə tono ım kujə koy ıştə çəşənəvo jintono obəqətemon. Cəlilabadi Odəmon Qərdəni Kəşə xonə həllən bı koy pape bedənin. Polison jəqonəy bıməson qıləy vırədə pul səy ko heste çəsponi ıştəni bərosniyen əyo, iyo məktəbi qılıvıjniyə tələbə bə bevəcə hol dəşə bəy pape bedənin. De həyfi!

Əmə bə Əliyusifi kırt qılə vaxtədə xəşi pəydo karde orzu kardəmon.

Cəlilabad – Uzuntəpə.

Sərdor Bunyadov.