Masali rayoni holiədə vironə kardə odəm Huseynov Rafil İsrafil oğlu aprelə manqi 14 – də 1953-nə sori Bərdə rayoni Gulqəzli diədə bə dınyo omə. Sıxan ni ımruj Masalədə Rafil nəbi, bəbi bənəy bəy qılə co dəvilə, bo əməro çe tavutış əbi? Çumçıku ım tobyə hukumət co qılə ro zındəni bo hukmətəti karde. Imon ənəndə kurocəğ, ənəndə kujin ki, çımon çəşi pi ənəndə eqətəşe sovı ıştəni hiç xonəxo bı keşvərədə vindənin. Jıqo bızın sovı bımon bı keşvərə jiə odəmon iqlə bo nokəti karde ofəyə bıən. Rafil Huseynov çəvon tobyədə beyro əvon çe Tolışstoni qırd reçinə vıronədə qıləy Masali dodən bə çəy ehdə, əyən çiçış pidə jəqoən kardə. Hınəş heste bə əvon i xonəxo ıştə qəvi oj bıkə çi bıvoto. Ha ısət boy bə hukməti xoş nomə har qılə odəm binim çe əjiyon havəri bıkəşo, bəy de şəvi – de ruji har puçə sıxanon karde bəben.

Im Ozobicon nomədə pesoxtə keşvər jıqo qıləy analoqış nıbə keşvəre. Əve bənəy Rafil Huseynovi qılə dəvilə çandi – çand sorone Tolışstonədə ıştə piəy kardə. Çəy zoə Boku restoranonədə de masalıjon puli asp tojnidə ıştə kefədəy. Çəmə millət çanəndə tam bıjəno ım noxələfon ıştə zınəy de əmə bakan. Çımon bukəsə mırxut nıjənəmon, ımon hələ ve ro bəşen. Xıdo bə çəmə əjiyon ğıryət bıdo ki, dastbədast bıdəmon, çı dəvilon tambe bıkəmon. Amin.

Tolışston – Masal.

Sərdor Bunyadov.