İyunə mangi 14-nə rujədə Tırkiədə çı Boku dovləti navkonə prezident Əbulfəz Elçibəyi vevə jen Həlimə Əliyeva vəfor kardəşe. Çımi həxədə ıştə “Facebook” səhifədə çı məmləkəti navkonə iminə vəzir Pənah Huseyni xəbə doəşe.

Çı Həlimə Əliyeva bə xıdo rəhmət şe səbəbon barədə hiç gılə məlumot pevılo kardə bedəni. Bə Elçibəyi zomo Agil Səmədbəyli sıxanon əsosi, iyunə mangi 13-ədə çı H. Əliyeva xəşi vəzyət iberdəmədə bevəc bə. Əy ğeyd kardəşe ki, Həlimə Əliyevə İstanbul şəhəri Silivri rayoni noxəşxonə bardə bə. Səmədbəyli votəşe: “Imruj əv reanimasiyə şobədə bə xıdo rəhmət şə”.