“Xeberman.com” sayti dəstqirətiədə bə rəhbər Polad Aslanov jimoni həmro Qulmirə Aslanova prokuraturaku şikatine.

De əçe sıxani, əçe dəstqirətiədə bə şuə dəstqir beədə DTX koəkon, peşo Boku İstintağ Təcridxonədə məruz mandə təzyiğon, bevəcə rəftoron band şikaton qorə prokuratura bekardə ğəraron de sorone se zındəni.

Şikatonədə qılı 5 sor bə nav əçe şuə qətə vaxt DTX-də məruz mandə təzyiğon band bə Səbail Rayon Prokuratura şikat ərizə vığandə bə. Bın şikati qorə cinayət ko bino karde rədd karde ğərar ğəbul bıboən, ğərar nə Polad Aslanovi, nəən bə vəkili doə bə ni.

Polad Aslanov 2019-minə sori iyuni 12-ku dəstqirətiədəy.

13 sor ozodətiku məhrum kardə bə sayt rəhbər de Cinayət Məcəllə 274-minə maddə – bə devlətə xəyonətədə taxsikor zınə bə.

Doə İttihomədə Polad Aslanov de İroni xususi xıdmət orqanon məxfi ko karde, dəvon nunəkıle vindemonon karde, informasiyan dəvone, məvonku pul se iddio kardə bə.

Əv ın iddion saxta be, istə taxsi nıbe, dəstqirəti bə jurnalist fəaliyyəti, xususən DTX koəkon zəvvaron bə ziyarət bardə şirkətonku rışvə se barədə nıvıştəyon qorə cəzo se votedə.