Masali Zuvand nomədə di əji Çinqiz Cabbarovi ıştə Facebook – i loədə çoknəy çəvon diədə vişon bırniey, ləpeç karde barədə dod – haray karde – karde nıvıştə. Çinqiz Cabbarovi həmən çe əvon di vişonədə bıryə doon iyən vişə çoknəy bə kəçokə peqordoniey şəkilonışon baxşış kardə. Ko bımədəy ki, Masali Zuvand nomədə di Tolışə bandon vanqonədə çe amburə vişon dılədəy. Zuvandi di  i həzo isa əjiş heste. Di  sa həşto dı hektar zəmin çe Ozobiconi ısətnə hukməti kujə nımoyondon qətımışon kardə. Əvon bı 182 hektar zəminədə çiçışon pidə əyən kardən, kom dooşon pidə bırnidən. Çı vırə nomışonən noəşone – Boğ.

Çe jıqo koy nomışonən noə boği pepote. Mande Çinqiz Cabbarovi baxş kardə şəkilon bəmə qırd co çiyon votedən. Bı şəkilonədə boği pepote ne, Tolışə bandon vişon çe ivo ləpeç karde vindəmon. Im kujon hələ bə tolışi sə ve qulon bavan, detobə bə vaxti ki, tolış bəyşte ımoni ıştə zəmino bətojniey. Xıdo bə tolışon koməq bıko!

Masal – Zuvand.

Sərdor Bunyadov.