Natçolə miyonə məktəbi VI-VII sinifədə handə dıqlə tələbə V Respublika konkursədə  penə fayədə həşən. Əvon Natəçolə “E Həbobovi nomi bardə 4 numrəynə məktəbi tələbonin. Əzizli Fidan – kimya fəndədə iyən Sadıqova Solmaz Elşəni kinə – fizika fəndədə V Respublika konkursədə həşə məktəbi VI-VII sinifədə handən. Ha dıynəni çı konkursi II dərəcəynə diplomışon baxşə səşone.

Sovı bı dıqlə kinon Natəçolə rayoni Xıl nomədə di miyonə məktəbi VII sinifi tələbə Səfərli Elton Seyrani zoə iyən Natəçolə Humanitar Təmayuli Mığoni litsey VII sinifi tələbə Huseynli Huseyn Elnuri zoə – bioloqiya fəndədə fərqlənmə dimlomi baxşəşon sə. Tolışə zəmini fərzəndon, holiədə tırkə zıvonədə handən, iqlə tırki fərhənqi, tırki tarixi omutdən. Tolışə baləliyon ıştə zəminədə ıştə zıvonədə handeku mərhumin.

Xıdo bə əvon ovand bıdo. Ruj əv ruj bıbu ki, əvon ıştə nənə zıvon, tolışə zıvonədə handə ruji bıvindon. Amin.

Tolışston – Natəçolə.

Sərdor Bunyadov.