Lankoni rayoni Bəndərqo qəsəbəku bə Səri sərku ğandə pıştəroy kənonədə kəfşənon həmə otəşışon qətə sutedən. Bı kəfşənonədə binim həmə bə Ğızləğəji ğoroği həndəvəri dairin çand curə luləpəron iyən bə Tolışstoni flora iyən fauna reç ədə pərəndon jidən. Bə ki lazimbey ki, bı daşton otəş bıjənon. De çəmə Tolışstoni hələynə iqləliyə muxbir Sərdor Bunyadovi doə rımuzi, ım otəş bə ğoroği kəfşəni hejo hukməti odəmon ıştənışon jəşone.

Ko bımədəy ki, Bəndərqo–Səri pıştəro bə dərhəl vardəşone. Əve bəpe bı nezonədə kom penə fayəyniə məmur boy çiyo davardo. Məmuri çəşon çe roy kəno bı kıl–kımoti penıxəvoyro, bı vıron otəşışon jə. Holidə bə Səri dı pıştəroy davarde qirəvə mandəni. Duəvonə odəmi çəşon ku kardə, bı kıl–kımotonədə jiə ənəndə pərəndon, melı–məvuşon ğır bedən. Oxo ım odəmon boçi bəsə dəşe zındənin ki, Tolışstoni flora iyən fauna bə qıləy beməxə məmuri xoto pedəyvonie əbıni.

TolishMedia.