Likədə çe moəmo bıə Ozobiconi Əlehdə Ləşkərəvonəti sərbozə sərdor Eqşin Huseynov 2015–nəni sori apreli canqədə ıştə lınqış qin kardə. Isət ım canqbozə zoə mayfe. Isət əmə tolışonku parsedəmon:

– Jıqo canqbozə zoə çe kom milləti roədə ıştə lınqış qin kardə? Im tırkəçəmə konqlamerant bəy ğurb bənoy? Qaspu bə çəy milləti, bə çəy zıvoni, bə çəy fərhənqi,bə çəy zəmini, bə çəy nomi ğurb bənoy? Çəmə tolışon boçi bəsə dəşe zındənin ki, əmə bıvon bənəy nokə lazimimon. Boçi detobə ımrujnə ruji qıləy yeraz ya naxçıvanıj Xərəboği canqədə həlok bedəni, mardəni?

Hejo bəpe tolışon, ləzqiyon, taton, avaron, saxuron, lahıcon iyən co bınəyniyə xəlğon nımoyondon bəpe bımardon? Xərəboğıvıjo, naxçıvanıvojon iyən yerazon ıştə kefədən, mardəkəs, ıştəni şəhid kardəkəs, ıştə lınqi–dasti qin kardəkəs tolışe. Bo çi? Im parsi bə ıştə bıdənən, çəyoən bı barədə çok–çoki bıfamən. Bənəy Eqşin Huseynovi çe əmə ve qirinə tolışə balon bəmə lazimin həni bo Xərəboğədə marde ney!