ParstToday informasiyə agentəti xəbı doedə ki, Rusiyə şiəyon “Krokus” terror hodisə ğıboniyon xotirəşon yod karde – Rusiya şiəyonku iborət qıləy qrup şəhrvandon tərəfiku çın saloni vədə bə Krokus şəhri saloni terror akti ğıboniyon xotirəşon yod qəteyro çın ğıboniyon xotirəşon de vıli de ehtiromi yod qətəşone.

Cımə ruji martə manqi 22-ə ruji hanqomi zəmonədə Rusiyə poytaxt Moskva ətrofədə terrorçiyon otəş qətey və Krokus saloni sutuney cəhdon nəticədə 139 nəfər həlok bıə,180 nəfər həm zəxmin bıə.

Bə İRNA məlumoti əsos,Rusiyə şiə dini təşkiloti rəhbər bıə Famil Cəfərov bə Crocus Hall-I hucumi ğeyri-insoni,ğəddor və terror aktış zıne və voteşe:əmə bə ın hodisə ğıboniyon xıyzonon və bə hər qıləy uruson bəştə həmvətənə hovə iyən boon ıştə deəvon həmdardəti elon kardedəmon.çı Rusiyə şiə dini təşkiloti rəhbər əlovəş karde:ın terrorə hucum çəmə Rusiyadə mıştərəkə darad və faciəy,becəvob nımandə qıləy zərbəbe.

Eyni zəmonəda, İron İslom Respublikə çı Rusiyə Tatarıston Respublikə mərkəz Kazan şəhrədə bıə konsul Davud Mirzəxani de ın konsuləti i qrup həmko və de ironıjon muşayiəti bə Crocus terrorə hodisə ğıboniyon xıyzonon de vılə dastəon hədiyyə doey bəvon təsliyyət votəşone.bın rujonədə Rusiyə Tehronədə bıə səfirəti bə vılon hədiyyə kardə iyən çın terrorə hodisə ğıboniyon xotirə bə yod dənoə vırə təbdil bıə.İroni şimol Rəşt şəhrədə bıə Rusiyə konsulətiyədə çe Qiloni viloyəti milləti və rəsmiyon bə Krokus terrorə hucumi ğıboniyon xıyzonon səbəsəloməti doəşone.bə Rusiya Federal Əmniyyət Xidməti bəyonati əsos,tosə ısət bə ın zali hucuməkə de 4 qılə terroristi bə ico 11 nəfər həm həbs kardey bıə.