TolishMedia informasiyə agentəti muxbir Boku şəhəriku xəbə dodə ki, iyulə mangi 30-nə rujədə “Musavat” partiyə uzv Azad Həsənovi huğuğon mıdofiədə bıə etirozinə aksiyə vaxtədə cıvonə fəol Elman Guliyev həbs kardə bə.

Vey dənıvardə məlum bə ki, fəol bə 30 sutkəninə cəzo məhkum kardə bə. Məhkəmə Guliyevış “bə polisi əməkdoşi ğanuniə tələbon tabe nıbeədə” gınokor zınəşe.

Sıvoy çımi polis etirozi aksiyə çand gılə co iştirok kardəkəsonən həbs kardəşe, ə cumlədə “Musavat” partiyə cıvonə komiteti sədr Elman Guliyev, çı partiyə uzvon Əlikrəm Xurşudov iyən Tahir Axundov, jurnaliston Nurlan Gəhrəmanov iyən Fatimə Movlamlı.