Urusə məşhurə alim, tolışə zıvoni iminə luğəti mıəllif, tolışə xalği yolə dust Liya Pireyko “Facebook” sosialə şəbəkədə ıştə həmrayəti de tolışon çəvon mıborızədə ifodə kardəşe. Hurmətinə alimi tolışə məsələ həll karde barədə Tolış-Mığonə Moxtarə Respublikə prezident Ələkrəm Hummətovi bəyonoti jintono nıvıştəşe: “Co xəlğon ğulətiədə ogətə xəlğ ozod be nibəzne. Odəmon, bə huş boən!”.

Ğeyd bıkəmon ki, Liya Aleksandri kinə Pireyko tolışə zıvoni iminə luğəti mıəllife ki, 1976-nə sorədə çapo beşə. Sıvoy çımi əy co-co məcmuəonədə iyən elmiə jurnalonədə mıhumə məğaləon nıvıştəşe. L. Pireyko tolışə zıvoni iyən tolışə xəlği tarıxi yolə tədğığotəvon Boris Milleri şogird be.