Detobə ımrujnə ruji 2019 nə sor avqustə manqi 27 – i rımuzi Masali rayonədə 449 – xoməxo ( 2018 – nə sori ım aşmard 405 xonəxo bıə) odəm sıpə iyən co kujə həyvonon qətəşe. Imon hələ noxəşxonədə nomjə kardə odəmonin. Çı odəmonədə detobə vist xonəxo kıtı, muş, morə, dı xonəxoən vaqi ( neçi) qətəşe. Demiyən jıqo holon həməysən vey Tojə Alvadi, Xıl, Mahmudavar (Mədo) Tuklə  diyon həndəvərədə qınyə.

Hejo zinə Qullitəpə nomədə diədə ço xonəxo sıpə ijən qətəşe. Qırd çon – çon vardə ko əve ki, Masali şəhəri ıştənədə detobə penco xonəxo odəmi sıpə qətəşe. Bı odəmon həməyni Masali Mərənqo Noxəşxonədə pezışkon dastışon qətə. Mande koy qırd bevəci əve ki, jıqo noxoşə holon rujbəruj vey bedən. De sıpə qəte anqıl ğal bıə “kommunxoz” nomədə  onemoni sərdor Hikmət Xəlilovi çı jıqo koon kam bey ya bə kam karde barədə çe əy sərdorəti kardə onemoni hiç qılə ehdə nıbeyış votə.

Masali Qiqiyena iyən Epidemiyoloqiya Mərənqo sərpezışk Rəhman doktoriən hejo çe Hikmət Xəlilovi votəyonış sənibəton bə qəv vardəşe. Masali rayoni icra yoli Huquqi xonə sərdor Məhəmmədhuseyn Huseynovi bı barədə kırt qılə sıxanış votəşni. Masali əjiyon ko mandə iqlə bə Xıdo. Ozobiconi hukmət i tono odəmon ğır kardə çı tonən sıpon hurəcışon kardə bə viyəvonə odəmon coni.

Masal.

Sərdor Bunyadov.