Rusiya Sankt – Peterburq şəhərədə de əlehdə ğolloğəvonon dasti oqəətə bıə Elvin İsayevi xıyzoni, bə Rusiya Federatsiya prezident Vladimir Putini ıştə kaşi barədə de video ovardemini ovardəşone.

Elivin İsayevi kəy həmro Svetlana İsayeva de ıştə dı qılə əğıli video ovardemonış kardə. Bı video ovardemonədə əv Rusiya prezidentiku ıştə dastqətəti çe əvonku bə kam nıkarde barədə əjo dəğandən. Svetlana İsayeva ıştəni, ıştə dı qılə əğıli coyli be ıştə merd çoknəy oqəte barədə bə prezidenti ovardə.

Iştə ehandemoni orəxədə əv bə prezidenti sıxan doydə ki, Elvin bə ıştə jıqoşə şodə siyasi qəmon çok diə bakay, ıştəni sərost bakay. Elvin İsayevi bı jıqo saxtə ruj eğandə rıvosə pantırkə Qurban Məmmədov məvuji bə ıştə orzu rəsə. Elvini soyətiku, çe əy sofətiku bəhr peqətə Q. Məmmədovi əvış bə qəvon eğande, ısət nıştə təmşo kardə. Anəndə koroği Elvini xıyzon çe əy nezə odəmon kəşedən. Xıdo bə bevəcə odəmi pand bıdo.

Xıdo Elvini kəybə oj bıko. Əmə ıştə tono peştıpurimon ki, Rusiya Federatsiya prezident Vladimir Vladimiroviç Putin bı koy bə Elvini xıyzoni foydə doə çəmədə  əncom bədoy.

TolishMedia