Lankoni rayoni Şıxəkəroni diədə çe moəmo bıə, Ukraniyadə cərə huquqşunos- polkovnik  İlkin Nurullayev çe Ukraniya nuə sərprokurorətiədə sərinispeksya sərdorışon noə. Detobə bı vaxti İlkin Nurullayev Xarkov rayoni İnzibati Məhkəmədə koş kardə. Əy 2019 – nə sori avqustə manqədə ıştə koyku beşe ərizəş nıvıştə.

Çoknəy vindəmon çe əy cərinə nomi bəyış Ukraniya dəvləti huquqi koy qırd penə fayədə ko karde qirəvəş doy. Əmənən ıştə tono bə tolışə balə İlkin Nurullayevi ovandon orzu kardəmon. Ruj əv ruj bıbu ki, İlkin Nurullayev iyən bənəy bəy çand həzo tolışi fərasatinə fərzəndon bə ıştə Tolışston qırdə bıbun, ıştə dəvlətmədorati roysə ko bıkən.

Xıdo bə tolışə balon, har vırədə hestin ovand bıdo. Ozobiconədə çe əvon ğədi nızneyro, əvon bə dlnyo həmə keşvəron pevılon. Xıdo əvoni ıştə vıronədə hejo səbarz bıko. Amin!

TolishMedia.