Ozobiconi Milli Şura bə Boku şəhərdorəti bo mitinq dəvoniey ğədəğəşon vığandə. De Ozobiconi ZİV – on doə rımuzi bı mitinqi Boku şəhərdorəti ıştə rayış doə. Əve mitiniq bo sentyabırə manqi 28 – i  dəvoniyə bəbe. Mande kom vırədə? Boku şəhərdorəti bo mitinqi dəvoniyə vırə Qaradağ rayoni mərənqo Lokbatanədə  rayış doə.

Sıxani rosti bo əmə mitinqi dəvoniey ya dənovoniey hiç qılə tavutış ni. Ozobiconi muxalifət ya pidə iqtidor bo əmə həmə i ranqədən i təmədən. Əvon tolışi koədə həmə jıqo bızın bə iyəndı qəvi dıləşon tu kardəşone. Tolışon kəynə bəsə dəşon ki, çe əmə iqlə kaşimon heste əvən çe əmə dəvlətmədorati kaşiey. Har qılə toilış pidəşe zoə bıbu pidəşe kinə, pidəşe merd xəyləğ bıbu, pidəşe zənən bəpe ıştə viro benıkə : Çe əy perəxə ruj çe əy dəvlətmədorəti bərpo kardə ruj bəbe. Tolışon həmə dastbədast bıdon çı jıqo koroğiku qırd qılə kırtə vaxtədə perəxe bəzınen, bımi vey qılə yolə qirəvəşon heste.

Ozobiconi dıləntono bo əmə çoknəy detobə ısətnə ruji xəşi bıəni, jıqoşəən əbıni. Tolışon bo muxalifəti ya bo iqtidori ıştəni çanəndə bıkışton çe əvon orəx puç bəbe. Tolış bəbe ıştəni bo ıştə dəvlətmədorəti soxte roədə ıştəni bıkışto. Bo əmə 28 sentyabıri mitimqi hiç qılə nə sardoniş heste nəən tati. Mitinqi Bokuədə dəbəvoniyen ya Lokbatanədə dəbəvoniyen, əyən bə əmə hiç qılə tati- sardiş ni. Tolışon ıştə mitinqışon bəpe bıbu, əvən çe əvon vicdani mitinqi çe əvon dılədə!

Xıdo bə tolışon ovand bıdo!

TolishMedia