Sentyabrə mangi 6-ədə Boku şəhərədə Gəncə hodisə məhkəmə prosesi vaxtədə ım koy mıttəhimon ənəhardə aksiyə bino kardəşone. Çımi səbəb çı prokurori sıxanon bin ki çı məhkəməku xahiş kardəşe 2 gılə mıttəhimon, Bəhram Əliyevi iyən Həbib Gurbanovi bə 16 iyən 15 sornə zindonə cəzo məhkum karde.

Ğeyd bıkəmon ki, sentyabrə mangi 5-nə rujədə prokurori təklif kardəş be Bəhram Əliyevi bə 16, Həbib Gurbanovi bə 15, Mirzə Hüseynovi bə 8, Asif Cavadovi iyən Elmir Huseynzodə bə 7, Şəhin Verdiyevi iyən Vugar Yusifovi bə 6 iyən bə hədd-buluğ nırəsə Emil Məmmədovi bə 5 sornə zindonə cəzo məhkum karde.

Çı mıttəhimon vəlideynon bə prokurori təklifi mınosibətədə ıştə noroziəti ifodə kardəşone. Əvon gımon kardedən ki ıştə zoəon cinoyət kardəşonni.