Masali rayoni dı xonəxo dindorə əji Ziya Tahirov iyən Rza Ağali haft sori bədiqə bə ozodəti beşin. Bə şımə vir əyən dəğandəmon ki, 2012 nə sori ım dı xonəxo de co imoninə tolışə dindoron bə ico nohəxə şəri pehande holədə dastqir kardə bıəbin.

Bı xosə mahi – məhərrəmə manqədə çe əmə imoninə bıvon bə ozodəti beşeyro ve şo bimon, mande Boku dastqirxonondə çe əmə alimon iyən co imoninə boliyon iyən bilon hələən dastqir  haştedən. Ozobiconi hukumət de sioniston dəsturi çe əmə şiə əğıydə bə bevəcə ruj noyro, çe əmə ğıryətmandə, perızmandə (mubarizə) merdon dastqirxonədə oqətedə.

Imruj qirəm əmə ıştə xəlği nomi, ıştə dini sərisof oqətemon pidəmonebu, bəpe de şəytoni balon bə canq bəyştəmon. Çoknəy binim çe əmə əğə İmom Huseyni de əvon canqış karde. İmom Huseyni bə əmə doə dərsi çokə tələbəmon bey pidəmonebu, bəpe de zəmonə yəzidon, maviyon, ibni ziyadon canq bıkəmon, dınyo bo əvon tanq bıkəmon.

Co ro ni xosə Tolışon. Xıdo çe əmə dastqirxonədə hıtə merdon həməyni kırt qılə vaxtədə bə ozodəti bırosno. İmom bə şımə səvob bıdo!

TolishMedia