Sentyabırə manqi 10 – də, 2019 nə sori Tolışə xəlği qırd kələntərə zoonədə qıləy Həbib Rəhimovi peş dıroz dəkəşə noxəşi ıştə dınyoş ovaxte. Həbib Rəhimov Masali rayoni Bədəloni səveti Ruəkəno diədə çe moəmo bıə. Nomış bənəy Həbibi qəvonədə qardə Həbib Rəhimov muğami usto bey.  Həbib Rəhimon soveti vaxti Ozobijoni Dəvləti Filormoniya solist, çe Tolışə zəmini fəxr bey.  Həbib Rəhimovi barədə ve çiyon vote bəben, mande jıqo qılə sənətko orəxnə vaxtonədə ıştə diədə yonqoədə qınyəbe.

Jıqo holədə bə Həbib Rəhimovi iqlə çe əy divojon nez omedəbin, əy osə ğandəbin. Bənəy Həbib Rəhimovi pokə, sofə odəmon Aşurə ruji ıştə dınyo ovaxte əy nişo dodə ki, ım odəm sərostədə çe Xıdo tono kom ğurbi xıvande. Bədəloni – Ruəkəno odəmon Həbib Rəhimovi ləşışon ıştə duşisə bardışone, bə zəminişon aspasrde. Tolışə xəlğ çanəndə heste Həbib Rəhimovi xosə xoto ıştə virədə obəqəte. Xıdo rozi Tolışstoni dəvlətmədorəti bərpo  bakamon, bəvədə bo Həbib Rəhimovi bırhoz bənomon iyən bə çe əy nom muğami məktəbi oj bakamon .

Xıdo Həbib Rəhimovi rəhmət bıko, Xıdo əy vəyşti əji bıko. Amin !

Masal – Bədəlon – Ruəkəno.

Sərdor Bunyadov.