Ostoroədə mol – mələ bə roy ğəzo eöandışe- se xonəxo yarəjə bey
Ostoroədə dıqlə maşini ğappəğap ome səkıştədə roy ğəzo qıniyə. Roy ğəzo Ostoro rayoni Tanqəru nomədə diədə səş qətə. “Mercedes” markəynə şərnışınə maşini vistıpenc sornəni ərom , Tanqəru di əji Əskərov Əhməd Sabutay zoə bə pıştəro ənəxəbədə beşə mol – məlonış vində maşinış bero kardə.
Əy maşinış bə ıştə nezə odəm bıə pencoço sornəni Əskərov Arzu Əlisalami zoə romə “Ford Tranzit” markəynə maşini jəşe. Çe ğəziyə səkıştədə se xonəxo yarəjə bıə. Yarəjə odəmonışon çəsponi bə Lankoni Mərənqo Noxəşxonə rosniyəşone. Mercedesi ərom bə noxəşxonə reanimatsiya xonə, “Fordi” sərnışın çılıhaft sornəni Allahverdiyeva Kəmalə Sairi kinə ısətboy bə tramatoloqiya xonə vırəbəvırə kardəşone.
Mercedesi vistışəş sornəni sərnışın Əskərov Ramiz Pərvizi zoə səy çənəxədə ve qonə zəfə səşe, əve əvışon bə Boku noxəşxonəşon bardə. Dı koy anqıl Ostoro Polisi Xonə de xətokorəti məcəllə ko rost kardəşone.
Tanqəru – Ostoro.
Sərdor Bunyadov.
Comments