Ozobiconədə 2019 – nə sori oktyabırə manqi 1 – ku detobə 10 əjiyon bə siyahi qəte dastqo dəvardedə. Şımə həmə çok zınyon ki, ım əjiyon siyahi qəte dastqo bə isə çe Milləton İconə Onemoni onoə dastqoy. Çumçıko de jıqo roy əvon həm dınyo əjiyon aşmardi, həmən çe əvon etnik tərkibi rımuzi zınedən çəyo əy bə dınyo faş ya bərmalə kardedən. Hejo əve de MİO riyə de çe əy doə dəsturi Ozobiconədən əjiyon aşmardi dastqo binoşon kardə. Mande ım dastqo çə dastqoədə ni. Imon hələn mandən nonzəminəni əsrədə. Bo əvon çe hukmət, çe dəvlətmədorəti? Imon iqlə puli nomi zınedən.

Əve bə dınyo həmə beynəlxəlğə  dəstduron tu kardə Ozobicon nomədə hukmət ıştə zınəy bə ıştə pıən doydəni. Əvon icra nımoyondon har diədə nomjə bıə əjiyon siyahi çe əvonku tələb kardən iyən kom diədə kom əjiyon kom milləti nımoyondə pidəşone jəqoən əy nıvıştən. Tolışstoni Masal nomədə rayonədə 260 həzo əji heste , çe əjiyon 90 % tolışe. Mande Masali rayoni icra yoli rəsmi saytədə , tolışon aşmard 6% faiz nişo doəşone. Demiyən jıqo hələ siyahiqəte dastqo bə sə nıqıniyə, ımon oxo çoknəy səkıştəşon nıvıştə?! Imən ənəanaloqəti qıləy tispire. Xıdo bımon pand pand bıdo, yaən çə tikə pandi bıko ki, odəmon con çımonku perəxo.

Masal.

Sərdor Bunyadov.