Ozobiconi parlament bə pi – pışkon vərəvonixonə mandə. Bı parlamentədə binim çe əy nom Milli Məclise 80 sorisə bəpe çanəndə pidə piəmerd iyən piəjen pəydo karde bəbe. Ozobicon nomədə pesoxtə keşvəri , beməxə ,ənəpandə prezidenti bı nezonədə jıqo qılə sıxanış votə ki, “ Komco 70 sorisən bəpe ji bıə hukuməti koədə ko kardə odəm vindon, bə mı xəbə bıkənən”.

Im odəmi ya ıştənış bə dast dənoəşe ya çı pesoxtə respublika viyəvonə əjiyon. Qirəm əy pidəşebu 70 sorisə vey jiyış bıə vəzifədə ko kardə odəmon ki iyən konco bey zıne, bəvədə ıştə ro eğando bə Milli Məclis. Çe əy bə pul səçıniyə deoputaton veyni 70 ney, 80 sori ve vaxte dəvardən , əv ısət boy bo odəmon vərsəğe, ərəzbari handedə.  

Çe əy pıə anəndə çı vərsəğeyonədəş vote, marde şey bə Bərəhud , ım beməxə – ənəpand şonzə sorisə veye bo əjiyon Kuzənqi nəğıli qəp jəydə.  Ozobiconi parlamentış bə Nilə doy bınış oqordoniyəşe. Jıqo bızın ım vırə dəsturədə parlament ni, ım tıbəsoy binim əyo pi – pışkon bo marde nubəşon qətə. Lankonıjon votəynə “parlament niye, Nilə doy bıne”.

Əmə bı bəjən çə parlamenti pi – pışkon nomon nıvıştənimon. Qirəm əv beməxə iyən ənəpandi bıpiyoşe çə depudaton nomon həmə qılə – qılə de çe əvon movardəruji iyən sori bənıvıştemon. Bəvədə binim əv çiç votedə. Hələynə bə çəşimon. Ovəyz ome nezi məvuji əy ıştə vırəş ğoym karde pidəşe. Məvuji əy detobə marde prezidentış bey pidə. Xıdo pand bıdo!

TolishMedia