Tolışi qıləyən kələntərə merdi ıştə dınyoş ovaxte
Cərə koy odəm, tovığə merd, Ozobiconi SSRİ Ali Soveti deputat səçıniyə bıə, iqtisadi elmon doktor, Ozobiconi Hardemoni Sənaye Konserni Prezident, Boku mol – mələ pirpazi qətə iyən omıştemonə elmon iconəti sərdor, Boku Təməku kombinati sərdor, Qəncə nuni iyən şini omıştə iconə dastqo sərdor Vaqif Musayevi ıştə dınyoş ovaxtəşe.
Vaqif Hacı zoə Musayev 1950 – nə sori Liki ıştənədə çe moəmo bıə. 1973 -1974 – nə soronədə SSRİ ləşkərədə sərbozətiş kardə. 1990 – 1995 – nə soronədə SSRİ Ali Soveti deputat bıə. 1975 – nə sori avqustə manqiku Ozobiconi Pirpazi qətə vəzirəti dı numrəynə Boku Taxıli Məhsulon Kombinatı havate koy səpe iqtisadəvon, çəyon çe omıştemonəti sərdor ko kardəşe. 1979 – nə sori Boku Bulka – Moyə kombinatədə , 1980 – nə sori Qəncə Nun iyən şini omıştə iconəti sərdor koş kardə. 1981 – nə sori Boku Şini omıştə Kombinati sərdor bıə. 1986 – 88 nə sori Taxıli Məhsulon Pirpazi Kombinati sərdor koş kardə. 1989 – nə Boku Təmbəku Kombinati sərdor, çəyo Boku Mol – mələ pirpazi qətə, çe əy omışte elmi iconəti sərdor bedə. 1993 – nə sori Ozobiconi Hardemoni Sənaye Konserni Prezident bedə. De jıqo – jıqo ım siyahi çanəndə bınıvıştoş dəbəkəşe. Iştə coni Ozobiconi roədə noə zoə, tolış beyro beğurb çı dınyoku şey. Xıdo əy rəhmət bıko. Vaqif Musayev tolışi kələntərə merdonədəy!
Comments