Rusiya şəhrvand, Sankt – Peterburqi əji Elvin İsayev dekabırə manqi donzədə Ukraniya paytaxt Kiyevədə Ozobiconi zuy sunon bə Ukraniya vığandə bıə numayondon dızdiyəşone. Bı barədə həm Rusiya həm Ukrainiya dəvləton ıştə noroziyətişon kardə. Çumçıko jıqo ko bə beynəlxəlq dəsturon vəynə bıə qılə xətokorətiey.

İlham Əliyevi cinoyətkorə hukmət demi dıminə bəjəne co keşvəronədə odəmon dızdidə bə Boku vardedə. Bımi sovı terrrori hiçi vote əbıni. Bəpe dınyo həmə demokratə keşvəron, beynəlxəlğ onemonon, dılmoncon iyən co demokratiya qərdəni kəşə odəmon bımi bəpe ıştə rəvimoni nişo bıdən. Bə şımə vir dəğandəmon li, Elvin İsayev Masali Kuləton nomədə diədə çe moəmo bıə, ıştən Rusiya Sankt – Peterburq nomədə şəhərədə jiyə.

Elvin İsayevi ğəziyə barədə vey çiyon nıvıştəmone. Əve çe əy bə jıqo  ğəziyə doço bey moliyəti həmə əhandon zınedən. Isətən çoknəy vindəmon Elvin İsayev Rusiyaku bə Ukraina çəyoən Avropa şeyro Ukraina paytaxt Kiyevədə mandə. Imən çe əy orəx. Ozobiconi əvış Kiyevo dızdiəşe bardəşe. Əmə həmə dınyo demokratə inistituton bə Elvin İsayevi dast qətero vanq kardəmon! Xıdo bə həməkəsi koməq bıko!

TolishMedia