Imruj Masalədə de 5 sə xıyzoni qıləyən 75 sornəni piəjeni jiyə xıyzoni barədə həni iqlə rodavardon qəp jəydənin. Mande çiç bıbu? Hələ dey 15 sor çı ımi bə nav Yardımluku (Vərqədizo) bə Masal ovaştə Rəhmanovon xıyzon ımrujnə ıştə bı rujədə mande hiç bə ıştə çəşi və vardənıbe. 20 kvadratmetrədə jiə ım xıyzoni 10 sə xıyzonış iyo perosniəşe, çe əvonədəş 5 qılə əğılış cıyzondor, səbəsojış kardəşe. Holidə 5 qılə əğıl, pıə iyən moə qıləyən 75 sornəni piəjen iyon sıpə rujədə jiey tovədə mandedən. Əğılon nə hərf zınedən, nə hande. Odəm mandə hədəyon ki, 21 nə əsrədə tolışə xıyzon bı ruj boçi mandə? Xıyzoni yol de taksi rome ıştə ruji dəvonidə, bo ıştə əğılon cılməy nun ğəzənc kardə. Kəxıvandə jenən hamusiyon kə – bə dərıt – perıt kardə, bə ıştə kə kopiq – ğoruş vardedə. Tolışstoni Masal nomədə şəhərədə tolışə xıyzon de jıqo holi jidə.

Tolish Media