Səlom xosə handəkəson,

TolışMedia piyedəşe gıləy bərnomədə Tolışon nominə şəxsiyəton edaşto.
Əmə In bərnomədə cəhd kardəmon ki har haftədə çı Tolışon məşhur şəxsiyəton barədə bəşımə təğdim bıkəmon. Dəmə həmro bıbənən.

Jeneral-major Həzi Əslanov 1910-minə sori yanvarə mangədə, Lənkəranədə moəku be. 13 sinış hestbe ki çəy pıə ıştə  dınyo dəgış kardışe.

Əslanov 1929-minə sorədə, Boku şəhəri Ğəfğaz hərbi institutədə ıştə təhsilı oroxnişe. Peşoən hərbiə təhsilı Leningradədə idoməş do.

1937-minə sorədə bə komunistı hezb dəşe.

1945-minə sori yanvarə mangı 24ədə, yəne 3 mang Berlinı ğələbəku bə na Litvədə yarallu be iyən ıştə dınyo dəgış kardışe.

İminə kərə Səvetı ğəhrəmon be. Dıminə kərən, çand sor ıştə mardeku bə peşt milliə ğəhrəmon ilan be.