Çoknəy navədə binim Tolish Media xəbəş doəşbey ki, Ozobicon iyən Rusiya Marzisə çe Ozobiconi xəyli şəhərvand se manqe yahu jəydən. Ozobiconi hukumət əvoni – ıştə şəhərvandon bə çe əvon şəhərvandəti kardə keşvər vadoydəni. Jıqo qıləy çi dınyo hiç vırədə analoqış nıbe holədə, Ozobiconi hukumət sukə- sukə bə dınyo həmə keşvəron ıştə dastqətəti barədə rımuzon pevılo kardedə.

Oxo ım çe curə çiey ki, rujnomonədə, saytonədə zır jəydən ki, filəğət əmə bə dınyo çand qılə keşvəri de pandemiya noxəşi anqıl dastqətətimon kardəmone, mande ım bədbəxton bə ıştə şəhərvand xıvand beşedənin. Çı ımi kaşi, işqil komədəy ya komcoy? Jıqo beşedə Ozobiconi Respublika nomədə pesoxtə keşvər, sərostədə ıştənədə hiçi osəmedəni, ıştə pifə bey sənibəton nişo doydə. Həmən ım pesoxtə keşvər de ıştə hukuməti, de ıştə noxəşinə prezidenti çı odəmon deşmene.

Qirəm deşmen bılə nəbəy, Ozobicon nomədə keşvəri şəghərvandon se manqi nezi Ozobicon iyən Rusiya marzisə xun penəvəyn, hukumətən ıştəni bə kuy, kori, loli nəjəni. Əve Ozobicon nomədə keşvəri pesoxtəy, pifə bey həmə bızınən.Çı keşvəri orəx omə rəsə. Tolışon bəpe ısət həni Ozobiconi ğəmi nıqəton.

Tolışon bəpe iqlə Bıji Tolışstoni har vırədə, hacio qəvbəpuri bıvoton!
Tolish Media.