“TolishMedia” informasiyə agentəti muxbir xəbə doedə ki, çı Avropə Şurə Parlamentə Assambkeyə Ozobiconi monitoringi komitə həmməruzəvon Stefan Şennaki de bə mıxolifə xodimon mınosibətədə polisi berəhmə iyən beinsofə hərəkəton əloğədor bə Boku dovləti hokuməti mırociətış kardə.

Bə S. Şennaki sıxanon əsosi, ım gıləy vəşyənə iyən ğeyri-insoniə rəftore ki gırdıçıp bə həmməy insoniə həxon zidde. Jıgo hərəkəton məğbul nin. Şennaki votəşe ki, sıə riyəon hestin iyən polisi de ıştə beinsofə hərəkəton ım sıə riyəş pebırniə.

Ğeyd bıkəmon ki, sıvoy çımi Stefan Şennaki elon kardəşe ki, Boku diktatorə rejim çı karantini ğanunonku sui-istifodə kardedə iyən ğeyri-mıtənosibə məhdudiyəton tətbığ kardedə.