TolishMedia informasiyə agentəti muxbir xəbə doedə ki çı Boku diktator İlham Əliyevi rejim hıcumi jiədə pəydo bıə.

Bə pevılo bıə məlumoton əsosi, oxonə rujon hərbiə əməliyoton nişo doşone ki, Boku rejim nə daxiliə, nəən xariciə problemon həl karde zu vışkiedəni. Eyni zəmonədə çı oxonə rujon hodisəon nişo doşone ki, Boku hokumət həm de koronavirusi mıborizədə, həm hərbiə cəbhədə, həmən sosial-iğtisodiə sahədə dəboxtə.

Jıgo gıləy vəzyətədə bo Boku rejimi vey çətin bəbe məmləkətədə rujbəruj yol bə noroziyəti navi gəte. Boku diktator hiççi nibəzıne bıkə, igləliə çorə çəy ixtiyoriə istefoy yaanki Əliyev bəpe bınışto iyən mecuzi çəş bıko, çunki ısətnə çətinə vəzyətədə co gılə beşə vırə mıvcud ni.