Ozobicon Ermənistoni de Nəxçıvoni marzisə dıjdə hərbiə provokasiyəy hozıəti vindedə
Ozobiconi hərbiə ğıvvon Ermənistoni de Nəxçıvoni marzisə hərbiə əməliyoton bino karde xoto dıjdə provokasiyəy hozıəti vindedən. Çımi həxədə Bokuədə “Realist” informasiyə agentəti xəbə doedə.
“Nezə vəomədə Ozobiconi təbliğoti maşin ıştə informasiyə hozıəti bino bəkarde. Xəbə doə bəbe guya Ermənistoni tərəf otəşbıri rejimi dabarışte, Ozobiconi hərbiə movgeon iyən səbəsoə məntəğəon bə otəş gətə bəben. Çımi bəpeştə Ozobicon de Tırkiə hərbiə ğıvvon iştiroki cəzo əməliyoti bino karde həxəd elon bəkarde.
Im provokasiyə məğsəd Tırkiə mınoğişədə dəkırnieye iyən bə çəvon plani əsosi çımi nəticədə Rusiyəən zəb bəğande”,- “Realist”-i muxbir izoh kardedə.
