De Tolışə aqenton xəbə əsos, zinə çoşanbə rujədə çı İronı Tolışə məntəğə Tolış nomədə şəhərı təhsil iyən tərbiyə mərkəzdə “Tolışiyə dərs” i kitob edaştə bəy.

In kitob ki ğərore İronı Tolışə məntəğə ibtidoyi dıvrə məktəbondə tədris bıbo de Şəhram Azmodə vəsilə nıvıştə bəy ki İronı təhsil iyən tərbiyə mərkəzı vəsilə muntəşir bedə. In kitob həşt gılə dərsış heste ki bə ço, penj iyən şəş minə sinifi şagirdonyo nıvıştə bəy. In 1-minə Tolışə kitobe ki ironı məktəbondə bo umuteyo edaştə bedə.

Şəhram Azmodə ın kitobı ənvışt çı Əsalemı məntəğə Tolışonku iyən Tolış qəzetı sərredaktıre.