TolishMedia informasiyə agentəti muxbir xəbə doedə ki, bə Derbent urusə xəbə agentəti məlumoton əsosi, sentyabrə mangi 27-ku tojədən bino bıə Ğərəboği cangədə Ozobiconi ləşğəri tərəfo veyaşmardə dağıstonıjə sərbozon iyən zabiton həlok bən.

Demiən jıgo, Ozobiconədə jiə ləzgion iyən avaron iddo kardedən ki, Ğərəboği cangi vaxtədə məhz ləzgion, avaron, saxuron iyən co dağıstonıjə xəlğon nımoyəndon bə cəbhə iminə xətti, bə ən xətomamdə məntəğəon vığandedəbin, ki əvon əyo beğabilyətə komandirəti xoto həlok bedəbin.

Imrujən həm ləzgion, həmən avaron sərboz şe bəpeştə ğəsdonə bə həmməysə xətomandə iyən gamə məntəğəon vığandedən. İyən çımi səbəb nəinki çı dağıstonıjon sucoət iyən ğoççəğətiy, bəlkəm bə huğuğə mıdofiəkoron iddoon əsosi Ozobiconədə ım xəlğon huğuğon dəgordıniə bedən.