Boku iyən Ğərəbağı cangı idomədə, İronı çı Ğəzvin məntəğə 116-minə batalionən bə ın ulkə şimal-ğərb sərhədon tərəf oməyn. De İronı xəbəiyə kanalon vote əsos tobə ısət Sepah Pasdaranı “İmam Zəman” nomədə mexanikə nomədə tip, Ğəzvinı 116-minə batalion gıləy gorop iyən 321-minə gonə artileriyə bə ın ulkə sərhədon tərəf oməyn iyən ıştə marzonku mudafiə karde goroş hozı bedən. Lozıme bıvotdəmon ki tojədən İronı Zəncan viloyətı 16-minə topxonə gıləy tipən bə İronı şimal-ğərb məntəğə sərhədon vığandə bən. Kali İronı Sepah Pasdaranı xəbəiyə kanalon nıvıştəşone ki Siriya teroriston, Boku hokumət iyən Turkiyə mafiyaiyə davlət bəpe bıznın ki çı İronı marzon əmniyətı xətomand karde navədə de şiddəti bəvon cəvob doydən.