Ğərəbağı cangı vəzyət nişo doydə ki Boku iyən Ankara ıştənsə Ğərəbağı məntəğə bə dast dəvoniye zınyəışon ni, ıme ki deştə vardə mıjdıron vəşiəni rəftoron vəsilə çı Ğərəbağı Ermənion zidd pisixi cangı təşkil karde holədən. Jəğo ki soşial media iyən pantırkon əcumlədə Boku rəsmi xəbəyə mənbəondə raporton nişo doydən ın teroristə rejimı nizami ğıvvon de Siriya teroriston həmro bə kali Erməniyə əsgəron cənozəon iyən əsiron behurmətəti kardedən. In bı holədəy ki Ğərəbağı Ermənion ki çand kəs çı Boku nizami ğıvvon əsir gətedən dəvon de hurməti rəftor kardedən. Jəğo ki de ın əsir bə əsgəron bə xəstəxonəon vığande əçəvon yarəonən mıolicə kardedən. Əlbəttə Ğərəbağı Ermənion ın rəftor bı səbəbe ki əvon çok zındən ki ın əsgəron deştə meyli bə cəbhə omə nin bəlkəm de Boku iyən Ankara panturkə rejimon təblığon iyən hiləgərətion goroş əsir bən.