Urusyə “Sputnik” agent nıvıştedə ki de Ğərəbağədə əsirbıə mıjdıri vote əsos 500 kəs 20-40 sor sinnədə odəmonku çı Siriya iyən Turkiyə sərhəd məntəğə, Babəssəlamdə, de 2.000 dollar huğuği vədə goroş bə Turkiyə nizamiyə goropon tərəf cəzb bən.

Peşo ın Siriyavıjon hətto de əçəvon şəxsi sənədon kontrol nıkarde de Turkiyə nizamiyə ğıvvon kıməgəti bə ın ulkə gıləy aeroporton vığandə bən. In raportı idomədə omə ki ın mıjdıron Turkiyə aeroportıku bə Boku Respublikə şən iyən de cangı oləton tankarde bəvon silah doəşone.

De Əl-Haci vote əsos 500 kəs çı Siriya Ərəbonən ın nizamiyə goropədə hestbin ki pul sıeyo bə Ğərəbağı cang oməbin. Lozıme bıznən ki Oktiyabırə mangi 30-minə rujədə Ermənistanı nizami ğıvvon i kəs Siriyavıjə teroriston əsir gəte xəbə doşone ki Boku hukomətı tərəfıku bə Ğərəbağı cang şəbe. In əsir votışe ki Turkiyə vəsilə bə Ğərəbağı cang cəbhə navnə riyə vığandə bedən.