Zinə, yanvarə manqi 13 – də Tırkiyə İstanbul nomədə şəhərədə Palmali dastqo (şirkəti) onəkəs iyən çe əy sərdor Mubariz Mənsimovi məhkəmə dəvarde. Mubariz Mənsimovi təyğəti koonışon detobə martə manqi penci iyən dırozışon kardeşone.

Mubariz Mənsimovi məhkəmə Tırkiyə ıştəni pekırıniyə “ Ədalət sarayı” nomədə bılındə rotədə dəvarde. Ədalət ərəbi sıxanən bıbutolışon bəy əhlixəybırəti votedən. Mande Tırkiyə nomədə dəvləti tarix nişo douydə ki, əyo əhlixəybırəti nomədə sıxan ni.

Əve Mubariz Mənsimovi hiç qıno nıbe holədə əy yonzə manqe dastqirxonədə oqəteşon kamiye hələ sinəyn çe əy təyğəti barde vaxti tikəyən dıroz kardedən. Imən əy nişo doydə ki, çəy ğədəğə qırd çe ğomə vırəku omə.Mubariz Mənsimovi iqlə qınoş heste, əvən əve ki, əv tolışe.

Mande ım bədbəxti zoə ıştəni bənəy pantırkon bardedəbe, bə tolışi hımıcımi əhəşon do – dojemon doydəbe. Imən çe əy orəx. Jıqo beşedə bə Mubariz Mənsimovi ko bədoyn. Əv de ve qonə maddə qıokor zınə bedə. Əvən çok vinde bedə ki, Mubariz Mənsimovi ğədəğə çe Bokuku vığandə bıə.

Çı koy sədə İlham Əliyev, Bəylər Əyyubov iyən Rovnəq Abdullayev mandə. Əve Mubariz Mənsimovi tumbərə de əçəy ıştən tono – kəno çamə odəmon dasti çok – çoki odutə bıə. Xıdo çe əy kəybon oj bıko. Mande ve saxtə koy.Peştıpurəti iqlə bə yolə Xıdoy!

Tolish Media