Rusiyada davardə noroziyətiyon peştə ki mandə? Çoknəy zınedəmon Rusiyada yanvarə manqi vistıseədə əjiyon kaliqılon bə şəhəron kuçon beşin, ıştə noroziyətişon nişon doyeşone. Jəqonəy diə kardeyədəy sa penco miliyon əjiş bıə Rusiyadə jıqo kasmə odəmon bə kuçon beşe əy nişo doydə ki, Navalnı de kobəsoni dastqətəti Rusiyadə hayboştənəti eğande pidəşe. Mande jıqo nocə çe əvon dılədə bamande.

Çumçıko Rusiya bənəy SSRİ vaxti həni çe məxə – moyəku siyə qılə dəvlət ni. Rusiya ısət de dınyo həməyəvo qıləy canqi barde pirpazisə mandə keşvəre. Çoknəy kobəsoni keşvəron de Qarbaçovi dasti SSSRİ ə xosə yolə keşvərişon vılo kardeşone, ısətən əvon de Aleksey Navalnıq dasti dılışone Rusiya vılo bıkəyn. Əve çe Rusiya əjiyon bəpe ve oğo bıbun.Bə xosiyən Rusiyadə jiə tolışon bı koədə dastpoçənin bıəninin.

Çumçıko ısət DTX de ıştə jidastiə kali xəspuşə odəmon dılışone tolışonən dənəyn bə siyo zəmini bın, bekəyn əvoni bə Rusiya vəynə. Xosə tolışon, nə Rusiya vılo bəbe, nəən bənəy Navalnı kurocəğon Rusiyadə bə hukumət ome bəzınen. Şımə ıştə kolo ıştə sədə ğoym oqətənən ki əy vo nıbə. Rusiya nıbo, Tırkiyə əməni bo niməyjə baharde. Əve çe Rusiya tono bıbənən. Qirəm ıştə milləti səbarziətiyon pidəyonebu!

Tolish Media